2017-imi aningaasaqarneq 1,0 pct.-imik qaffariarpoq
2017-imi Kalaallit Nunaata aningaasaqarnera 1,0 pct.-imik pitsanngoriarpoq. Piffissami 2011-miit 2016 ilanngullugu agguaqatigiissillugu BNP ukiumut 1,6 pct.-imik qaffariartarsimavoq, taamaattorli ataani titartakkami takuneqarsinnaasutut ukiumiit ukiumut nikerarnerit annertusarsimallutik.
Titartagaq 1. Tunisassiornerup nalinga (BNP), akit qaffakkiartornerat peerlugu
Atuineq ineriartortitsisoq
2017-imi aningaasaqarnerup ineriartornera nunatsinni atuinermik annerusumik pissuteqarpoq, annermik pisortat atuinerat qaffassimammat. Aamma inuinnaat atuinerat annertuseriarsimavoq, inuussutissarsiorfiilli aningaasaliissutigisartagaat annikilleriarsimallutik.
Branchenik nutarterineq
Ulloq 1. januar 2018 Inuussutissarsiutinik Ingerlataqartunik Nalunaarsuiffik (IIN) atorunnaarpoq, ullormilu tassani Danmarkimi Det Centrale Virksomhedsregister (CVR) atorneqalerluni. Tamassuma pisariaqartilerpaa suliffeqarfinnik branchelersueriaasitoqqap GB2000-mik taaneqartartup nutarterneqarnissaa. Taamaalilluni suliffeqarfinnik branchelersueriaaseq nutartigaq DB07 uani saqqummersitami tunngavigineqarluni atorneqarpoq. DB07 Danmarkimi atorneqarpoq, tassaallunilu Nunat EU-mi ilaasortaasut akornanni suliffeqarfinnik branchelersuisarnermi malittareqqusaq.
Takussutissiami 1-imi takuneqarsinnaavoq BNP akini ingerlaavartuni aammalu BNP akiusimasunit kisitat akit qaffakkiartornerat peereerlugu ineriartornerat. BNP akiusimasunit kisitat inummut ataatsimut naatsorsornerani 2017-imi 274,1 tkr.-inngorsimavoq 2016-imi 271,4 tkr.-iusimasoq. Taamaalilluni 1,0 pct.-imik inuinnaat atuinerat annertuseriarsimavoq.
Takussutissiaq 1. BNP aamma BNP innuttaasunut agguarlugu
|
2008 |
2009 |
2010 |
2011 |
2012 |
2013 |
2014 |
2015 |
2016* |
2017* |
|
Akit ingerlaavartut |
|||||||||
BNP, mio. kr. ................... |
12.741 |
13.563 |
14.078 |
14.412 |
15.116 |
15.080 |
15.951 |
16.814 |
18.267 |
18.499 |
Innuttaasunut agguarlugu, 1.000 kr. . |
225,7 |
241,4 |
249,4 |
254,6 |
266,4 |
267,5 |
283,4 |
300,3 |
327,1 |
331,2 |
Naleqqersuut, 2010=100 ......... |
90,5 |
96,3 |
100,0 |
102,4 |
107,4 |
107,1 |
113,3 |
119,4 |
129,8 |
131,4 |
Ukiumut BNP-ip ineriartornera ...... |
4,0 |
6,5 |
3,8 |
2,4 |
4,9 |
-0,2 |
5,8 |
5,4 |
8,6 |
1,3 |
|
2010-mi akit, akiusimasunit kisitat |
|||||||||
BNP, mio. kr. ................... |
13.719 |
13.838 |
14.078 |
14.008 |
14.203 |
14.019 |
14.679 |
14.307 |
15.160 |
15.309 |
Innuttaasunut agguarlugu, 1.000 kr. . |
243,0 |
246,3 |
249,4 |
247,4 |
250,3 |
248,7 |
260,8 |
255,6 |
271,4 |
274,1 |
Naleqqersuut, 2010=100 ......... |
97,4 |
98,3 |
100,0 |
99,5 |
100,9 |
99,6 |
104,3 |
101,6 |
107,7 |
108,7 |
Ukiumut BNP-ip ineriartornera ...... |
6,2 |
0,9 |
1,7 |
-0,5 |
1,4 |
-1,3 |
4,7 |
-2,5 |
6,0 |
1,0 |
Nuna tamakkerlugu naatsorsuutit FN-ip nunanut tamalaanut naatsorsueriaasissatut najoqqutassiai malillugit naatsorsugaapput, tamatumalu ajornarunnaarsippaa Kalaallit Nunaata aningaasaqarnerata nunanut allanut najoqqutassianik malinnittunut sanilliunneqarsinnaanera. Titartakkami ataaniittumi Kalaallit Nunaanni aningaasaqarnerup ineriartornera nunanut toqqakkanut arlalinnut, nunallu OECD-mut ilaasut agguaqatigiissillugu ukiumut ineriartornerannut sanilliunneqarpoq.
Titartagaq 2-mi erserpoq Kalaallit Nunaanni, Norgemi Finlandimilu BNP ineriartornera assigiinngiiaartumik nikerarsimasoq, nunat allat aningaasatigut ineriartornerisa nikerarnerat patajaannerusumik assigiiaarnerusimalluni.
Titartagaq 2. Kalaallit Nunaanni nunanilu allani BNP-p ineriartornera 2013-2017
Najoqqutaq: OECD.org |
Nuna tamakkerlugu naatsorsuutit naalisarlugu
Nuna tamakkerlugu naatsorsuutit tunisassiornermit aallaavillit inuiaqatigiit aningaasaqarnerata ineriartorneranik ersersitsisarput. Naatsorsukkat takutittarpaat inuutissarsiutit inoqutigiillu aningaasaqarnerat, minnerunngitsumillu avammut niueqateqarnerup ingerlarnga. Taamaasilluni nioqqutit kiffartuussinerillu pilersiortorneqartut atorneqartullu naatsorsuusiatigut takussutissartaqalersarput. Saqqummersitaq manna, Naatsorsueqqissaartarfiup saqqummersitaani nuna tamakkerlugu naatsorsuutini ukiunik arlalinnik tunngaveqartuni, arfineq pingajussarivaat.
Nuna tamakkerlugu naatsorsuutit 2015-imoortut naatsorsoqqissaarneqarsimalerput, taamaasillutillu inaarutaasumik saqqummiunneqarsinnaanngorlutik. Naatsorsueqqissaarinerit nutaat ilimaginngisaraluamik BNP annertuumik allannguuteqartippaat. Nuna tamakkerlugu naatsorsuutit inaarutaasut naatsorsoqqissaarnerisa 2015-imi 2016-imut aamma 2017-imut BNP-mik missingersuusiortoqarsinnaalersippaat.